سنة 2000م نزل فيلم فى السينما المصرية بيتكلم عن فكرة غريب وهى إن مجموعة من الشباب بيدورو على مكان علشان يسمعوا فيلم إباحى .

  دماغك تحت تأثير الإباحية 

سنة 2000م نزل فيلم فى السينما المصرية بيتكلم عن فكرة غريب وهى إن مجموعة من الشباب بيدورو على مكان علشان يسمعوا فيلم إباحى .
سنة 2018م الولد الصغير أو البنت الصغيرة ال عنده أو عندها جهاز بيتصل بالانترنت يقدر وتقدر تتفرج أو يتفرج على عدد لانهائي من الافلام دى بسهولة . 
فى 10 دقائق بس ممكن ابنك يتفرج على بنات أكتر من ال شافوهم اجدادوا على مدار حياتهم .
* فى دراسة حصلت فى 2008م اكتشف ان 14.4% من الولاد شافوا أفلام إباحية قبل سن 13 سنة .
* نفس الدراسة حصلت سنة 2011م النسبة زادت ل 48.7% .
* فى 2017م وجد أن 64% من الولاد و 23% اتفرجوا على أفلام اباحية قبل سن 13 .
محدش يقدر ينكر إن الاباحية بقت سهلة جدا فى عصر الانترنت ، وكل حاجة حوالينا بتشجعنا على ده - الافلام ، المسلسلات ، الاعلانات ، ألخ..... - 
- والمصيبة ان فى ناس بقا بالنسبلة عادى ، وكمان لو كلمته يقولك : يا عم اهى بتفك زنقه ، وبرده بتعلمنى ازى امارس مع مراتى لما اتجوز إن شاء الله .
- والكلام ده ان دل فانما يدل على انه مش عارف حاجة عن اضرار الافلام الاباحية . وبرده علشان منظلموش ، فلحد فترة قريبة فعلا مكنش فيه دراسات بتوضح أضرار الافلام الاباحية . والسبب ان معظم الشباب بيتفرجوا على الافلام ديه ، وده مداش فرصة للعلماء علشان يقارنوا بين ال بيسمعوا وال مش بيسمعوا علشان يحددوا أضرار الافلام الاباحية . 
- ولكن كل ده اتغير فى 2011م ، بدأت منتديات على الانترنت أشهرهم منتدى NoFap على موقع reddit ، لشباب بطلوا الافلام الاباحية ، ولاحظوا الفرق الكبير ال حصل فى حياتهم .
في البداية قبل مانوضح الاضرار خلينا نتكلم شوية عن مخ الإنسان .
* دائرة المكافأة Reward Circuit
 انت كانسان طبيعى بتعمل أى حاجة بتديك شعور بالسعادة ، دماغك بيفرز مادة - Dopamine الدوبامين  - ودية المادة المسئؤلة عن احساسك بالسعادة .
- فى العادى بيكون فيه افراز طبيعى للدوبامين لما بتعمل حاجة بتفرحك ، إنما لما بتتفرج على الافلام الاباحية الموضوع بيختلف ، لان الافلام الاباحية فيها تنوع بلا حدود فانت مش هتزهق بسهولة وهتفضل فترة طويلة جدا فى المرة الواحدة ودا بيخلى مخك يفرز كمية كبيرة جدا من الدوبامين ، وبيفرز مادة كمان اسمها DeltaFosp وافراز المادتين دول (Dopamine - DeltaFosp ) بتسمى بآلية الشراهه Binge Mechanism ، وديه بتأثر على مخك بشكل سلبي وبيحصلك 3 حاجات .
1- تفقد الاحساس بالمتعة ، بمعنى آخر وداعا للسعادة .
2- بتتعلق بشكل كبير جدا بالصور والافلام الاباحية - يعنى بقيت مدمن - 
3- اجزء المسئول عن قوة الارادة فى مخك (Prefrontal cortex) بيتأثر بشكل سلبى .
* الافلام الاباحية بتأثر بشكل كبير جدا على حياتك ولكن أكبر مشكلة بتسببها الافلام الاباحية هى ضعف الانتصاب Erectile dysfunction وديه مشكلة بتدمر المستقبل والحياة الزوجية .
* الافلام الاباحية بتأثر على نظرتك للست ، وبتحتقرها بسبب ال انت بتشوفة .
* الافلام الاباحية ادمان لازم تبطله ، في دراسات قارنت بين الناس ال بتشوف افلام اباحية و الناس ال بتتعاطى مخدرات ، أثبتت التطابق بين الاثنين .
# انت تقدر تبطل_انت تقدر تغير من نفسك .
* الناس ال قدرت تتخلص من الاباحية قدرت يكون عندها طاقة أكتر .
* و العلاقات الاجتماعية الخاصة بيهم اتغيرت .
* و قدروا يتخلصوا من الاكتئاب ، ويزودوا ثقتهم بنفسهم .
* وقدروا انهم ينجحوا فى شغلهم ، وفي حياتهم بشكل عام .
*ازاى اتخلص من الاباحية ؟ 
- لازم تعمل عملية تنظيف كاملة - تشيل كل المقاطع الاباحية من أجهزتك -
- حمل برنامج لحجب المواقع الاباحية K9 البرنامج دا هيساعدك جدا فى التخلص من مشاهدة الاباحية .
- اختلط بالناس وكون علاقات اجتماعية جديدة .
- مارس الرياضة بشكل منتظم - روح الجيم -
- خليك مع ال بيشجعك انك تبطل ، خد الدعم من الناس ومن نفسك ومن كل شئ ممكن يشجعك انك تبطل .
* ممكن تأخد دعم من موقع واعى أو NoFap ولازم تقرأ أكتر عن أضرار المواقع الاباحية وتطور من نفسك علشان تعمل مناعة ضد ادمان الاباحية .
■ المؤلف / Gary Wilson
■ المصادر
1-
2-

Share To:

محمد حسن

Post A Comment:

0 comments so far,add yours