أنت تقدر تعيش من غير متأكل كل يوم فى مطعم فخم وتعزم اصحابك ، وتعزمى صحباتك وتقدر تعيش من غير قعدة على القهوة كل يوم ، وتقدر تعيش من غير ماتجدد أثاث البيت كل سنة أو موبايلك أو اللاب بتاعك إلخ......

$ أحمد : أغنى رجل فى المدينة ، الكل عايز يكون زيه . وكان فيه اتنين اصحاب ، فقراء جدا ، فقرر الاتنين دول انهم يسألوا أحمد هو عمل ايه علشان يوصل للثروة ديه كلها ، ف أحمد قرر يقول للشابين دول الخلاصة ، فقالهم :-
1- ادفع لنفسك أولا Pay Yourself First
أحمد نصح الشباب ، وقالهم انهم لازم يوفروا 10% من مرتبهم كل شهر .
2- سيطر على نفقاتك Control Your Expenditures
معظم الناس معندهمش سيطرة على نفقاتهم المالية .
وعلى العموم النفقات بتنقسم لنوعين :-
* رغبات Wants
حاجات نفسك فيها بس تقدر تتخلى عنها ، تقدر تعيش من غيرها . يعنى مثلا :-
أنت تقدر تعيش من غير متأكل كل يوم فى مطعم فخم وتعزم اصحابك ، وتعزمى صحباتك وتقدر تعيش من غير قعدة على القهوة كل يوم ، وتقدر تعيش من غير ماتجدد أثاث البيت كل سنة أو موبايلك أو اللاب بتاعك إلخ......
* احتياجات Needs
الاحياجات هى المصاريف الثابتة ، فلوس الاكل والشرب والجيم ، المية والكهربة والغاز والضرائب إلخ.....
3- استثمر بحكمة Invest Wisely
لازم تستثمر ال10% ال أنت بتحوشهم كل شهر فى حاجات تجيبلك دخل ، وتقدر تبنى ثروة على المدى الطويل . 
لكن قبل متستثمر فى أى حاجة لازم تفهم المجال ال انت هتستثمر فيه كويس جدا . وتسأل ناس خاضت التجربة ونجحت فيها .
4- استثمر فى بيت Invest In A Home
حاول انك تملك بيتك ، يعنى انك تكون عايش فى البيت بتاعك مش مأجر من حد . بس برده أوعى تصرف فلوسك كلها على البيت علشان متبقاش مديون بسبب البيت دا .
5- تجنب الديون Avoid Debt
الشخص ال عايز يكون غنى لازم يتجنب انه يكون مديون لاى حد .
6- العمل الشاق يهزم الحظ Hard Work Beats Luck
طريق بناء الثروة طريق طويل وصعب ومحتاج مجهود جبار ، فالحظ لا يعتمد عليه فى الطريق دا .
7- زود قدرتك على التعلم Increase Your Ability To Learn
لازم دايما تطور من نفسك 
* طور نفسك فى مجال تخصصك
خد كورسات واتخصص اكتر علشان تزود فرصتك ، فى انك تكون شخص مطلوب ويندفعلك فلوس أكتر .
* طور نفسك فى مجال المال
خد كورسات واقراء كتب واسمع فيديوهات واقراء مقالات واتعامل اكتر مع الاغنياء ، علشان تزود خبرتك عن الفلوس .
- (Life Long Learning) اتعلم طول ما انت عايش . دا هيساعدك جدا فى الوصول لاى شئ انت بتتمناه .
■ المصادر
Share To:

محمد حسن

Post A Comment:

0 comments so far,add yours