هذا الموضوع من الأهمية بمكان ؛ حيث أنه يلمس حاجة لدى الكثيرين فهذه المقالة ستتكلم عن المال "الفلوس" ولكن دعنى أسألك سؤالا مهما ، هل تحب المال فعلا ؟ هل تجد المال شئ رئيسى فى حياتك ؟ الناس بالنسبة للفلوس هما نوعين :-

هذا الموضوع من الأهمية بمكان ؛ حيث أنه يلمس حاجة لدى الكثيرين فهذه المقالة ستتكلم عن المال "الفلوس" ولكن دعنى أسألك سؤالا مهما ، هل تحب المال فعلا ؟ هل تجد المال شئ رئيسى فى حياتك ؟       الناس بالنسبة للفلوس هما نوعين :-

1- ناس بتخاف .

2- ناس بتطمع .

وعلى العموم مشاعر زى الخوف والطمع بتمنعك يكون عندك فلوس ، المشاعر دى بتمنعك تكون ثروة على المدى الطويل . مثلا :-

الخواف ؛ الشخص الذى يخاف بيكون خايف على أنه ممكن يخسر الوظيفة والاستقرار والمرتب ، وبكده بيفضل محلك سر ومش بياخد أى خطوات فعالة تخليه يكون ثروة على المدى البعيد . والشخص ده لو سألته عن الفلوس ، هيكون رده أنه ؛ هيشتكيلك من الفقر والحاجه ويقعد يقولك العين بصيرة والايد قصيرة ، وتحس أنه فاضل شوية ويشحت . 

الطماع ؛ دا بقا عمره ما هيكون غنى ؛ لأنه مش بيعرف يدير فلوسه ، بيحب فلوسه جدا لدرجة أنه مش عايزها تبعد عنه خالص ، فمبيعملش بيها أى حاجة . والشخص دا لو سألته عن الفلوس ، هيرد عليك وبكل صراحة ويقولك أيوه أنا بحب الفلوس .

أنت مثلا نفسك يبقى عندك فلوس كتير ؛ طب تعمل ايه ؟ تفكر ازاى ؟ بص يا عم ؛ الغنى مش بيجى مره واحده يعنى لازم تصبر شويه ، والمبادئ والطرق ، الموجودة فى المقالة ديه ، مش فانوس على بابا ، يعنى النتائج بتكون على المدى الطويل ، والاستمراريه هى الاهم . والمدئ الطويل دا يعنى عشرة أو خمس عشرة سنة ، مش سنتين تلاته .

والمبادئ هى :-

1- الدخل السلبى .                                                                          

بص يا عم ؛ مثلا ، أنت شغال 8ساعات وبتقبض 2000جنية دا معناه إن   8ساعات من وقتك = 2000جنية . بس لو أنت عايز تكون غنى يبقى لازم الوقت بتاعك مش بيساوى الفلوس ، يعنى مش المفروض تكون أنت بتشتغل للفلوس ، المفروض الفلوس هى ال تشتغل علشانك . يعنى إنك تشغل فلوسك فى حاجات مش بتحتاح وجودك علشان تشتغل ، ودا بيجبلك نوع من الدخل اسمه الدخل السلبى ، والدخل السلبى هو الاساس علشان تكون شخص غنى ، وعلشان تعمل كدا لازم تدير فلوسك بذكاء .

2- الأصول VS الالتزامات .                                                            

ايه الاصول فى مواجهة الالتزامات دى ، بص يا عم ؛ معظم الناس بتفكر بطريقة ، الدخل VS النفقات ، يعنى انا بقبض كام وبصرف كام . بص يا عم الأصول هى ايه ؟ الأصول هى :- الحاجات ال بتجيبلك دخل بشكل مستمر ، زى (المشاريع ، العقارات ، الأسهم ، السندات ، حقوق الملكية) أما الالتزامات هى :- الحاجات ال بتسحب منك فلوس بشكل مستمر ، زى (البيت ، العربية ، العيال) ، وعلشان تعمل فلوس لازم تقلل الحاجات ال بتسحب منك فلوس ، يعنى قلل التزاماتك على قد متقدر ، وتركز على استغلال كل فلوسك فى الأصول ، علشان دى ال بتجيب الدخل السلبى ال بيسبب الغنى "على المدى الطويل" .

3- اهتم بعملك الخاص .                                                                   

يعنى لو أنت حتى موظف وبتقبض فلوس كل آخر شهر ، علشان تكون غنى ،لازم يكون عندك مشروع ، الوظيفة بتخليك عايش ال جاى قد ال رايح ، بس المشروع بتاعك هيخليك غنى .

4- التعليم المالى .                                                                           

يعنى تتعلم إنك تستخدم فلوسك بذكاء ، بص يا عم ؛ الفلوس زيها زى أى حاجة لازم تعرف هى ماشية ازاى علشان تمشى معاها ، فأنت لازم تتعلم أربع حاجات مهمين ، (المحاسبة ، الإستثمار ، التسويق ، القانون) ، لازم تعرف من المجالات ديه ما يتناسب مع مشروعك ، وشغلك علشان مفيش حاجة توقفك .

5- المشاعر ال بتمنعك إنك تكون غنى .                                              

الخوف من المخاطرة .

اللامبالاه بتمنعك من انك تكون غنى لأنك مش مهتم أو مش بتظهر الاهتمام ده على أرض الواقع . 

الكسل ال بيمنعك منك إنك تبدأ أصلا .

التكبر إنك تعمل نفسك فاهم فى كل حاجه ، وتضيع فلوسك فى استثمارات أنت مش فاهم فيها أى حاجة . 

العادات السيئة زي إنك تخرج كتير مع صحابك وتضيع فلوسك فى المطاعم وغيره ، أو تصرف فلوسك كلها فى أول الشهر ، أو تشترى حاجات مش محتاجها .


Share To:

محمد حسن

Post A Comment:

0 comments so far,add yours